یورپی یونین نے یورپ جانے کے خواہشمند پاکستانیوں کو بڑی خوشخبری سنادی ہے اور اسکلز ڈیولپمنٹ انیشیٹو پروگرام کا اعلان کیا ہے جس کے ذریعے زیادہ سے زیادہ پاکستانی اب یورپ جا سکیں گے۔
تفصیلات کے مطابق یورپی منڈیوں میں اس وقت تربیت یافتہ مزدوروں کی کمی
ہے، جس کی وجہ سے یورپی یونین نے پاکستان میں اسکلز ڈیولپمنٹ پروگرام شروع کرنے کا
فیصلہ کیا ہے۔
اس ضمن میں یورپی یونین کے سینیئر عہدیدار کا کہنا تھا کہ " اس
وقت یورپ کی مارکٹوں میں ہنر مند افراد کی کمی ہے، لہذا سکلز ڈیولپمنٹ پروگرام کا انعقاد کررہے ہیں تاکہ
زیادہ سے زیادہ قابل لوگ یورپ آسکیں"
پاکستان میں یورپی یونین کے وفد کے نائب سربراہ فلپ اولیور گراس نے اس
حوالے سے بات کرتے ہوئے مزید بتایا کہ "اس فرق کو پورا کرنے کے لیے یورپی
یونین پاکستانی مزدوروں کی تکنیکی صلاحیتوں کو بڑھانے کے لیے ہنر کی ترقی کا
پروگرام متعارف کروا رہی ہے"
انہوں نے کہاکہ جب ہنرمند افراد کسی دوسرے ملک میں جاتے ہیں تو اس سے
تارکین وطن اور میزبان ممالک دونوں کو فائدہ ہوتا ہے۔
انہوں نے مہارت کی عدم مطابقت کے چیلنج کو تسلیم کرتے ہوئے کہا کہ
یورپ کو مزدوروں کی کمی کا سامنا ہے، لیکن بہت سے پاکستانی تارکین وطن مطلوبہ
مہارت کی سطح پر پورا نہیں اترتے۔