آسٹریلوی کرکٹ ٹیم کے سابق کھلاڑی و کمنٹیٹر بریڈ ہوگ کی پاکستانی ٹیم کے کپتان محمد رضوان کی انگریزی کا مذاق اڑانے کی ویڈیو سوشل میڈیا پر وائرل ہوگئی۔
تفصیلات کے مطابق قومی ٹیم کے وکٹ کیپر بیٹر و کپتان محمد رضوان کو انگریزی کے باعث
سوشل میڈیا پر خوب ٹرول کیا گیا تھا تاہم سابق آسٹریلوی کرکٹر کی جانب سے سوشل
میڈیا پلیٹ فارم پر کھلاڑی کا مذاق اڑانے کی ویڈیو شیئر کرنے کے بعد مداحوں نے
انہیں آڑے ہاتھوں لے لیا۔
واضح رہے کہ ویڈیو میں نقل اُتارنے والے شخص کی ویڈیو ویرات کوہلی سے
ملتی ہے، سابق کرکٹر بریڈ ہوگ ان سے پوچھتے ہیں کہ "آپ کوہلی کے بارے میں
کیا سوچتے ہیں تو وہ نقالی کرنے والا کہتا ہے کہ میں اور ویرات ایک جیسے ہیں، وہ
پانی پیتے ہیں، میں بھی پانی پیتا ہوں، وہ کھانا کھاتے ہیں، میں بھی کھانا کھاتا
ہوں، ہم ایک جیسے ہیں، ہم میں کوئی فرق نہیں"۔
اس کے بعد "وہ رضوان کی انگلش کا مذاق اڑانے لگتے ہیں کہ جب بھی ان سے پاکستان کی حکمت عملی سے متعلق سوال
کیا جائے تو وہ زبردستی کپتان والا لہجہ
اپناتے ہیں جس پر ہوگ طنزیہ رضوان کی انگلش کی تعریف کرتے ہیں"۔
اس پر نقالی کرنے والا کہتا ہے کہ "ہاں پاکستان میں ہر کوئی کہتا
ہے کہ میری انگلش بہت اچھی ہے" ان کی اس ویڈیو پر شائقین کی جانب سے کافی
تنقید کرتے ہوئے اسے پاکستانی کرکٹر کی "توہین" قرار دیا جا رہا ہے۔
ایک صارف نے لکھا کہ 'برصغیر میں رہنے والوں کو اس نوآبادیاتی ذہنیت
سے باہر نکلنا چاہیے، انگریزی ہماری زبان یا مادری زبان نہیں ہے۔ ہمارے کھلاڑیوں
کو اردو بولنا چاہیے اور اپنے مترجم کو ساتھ لے جانا چاہیے، یہ ہمارا فخر ہے کوئی
کمزوری نہیں'۔
ایک اور صارف نے لکھا کہ 'مجھے لگتا ہے کہ آسٹریلیائی اب بریڈ ہاگ سے
شرمندہ ہوں گے'۔
واضح رہے کہ سابق کرکٹر بریڈ ہوگ 2 بار ورلڈکپ جیتنے والی ٹیم کا حصہ
رہے ہیں جس نے 2003 اور 2007 میں ٹرافینز اپنے نام کی تھیں۔