اسلام آباد (آئی آر کے نیوز): رمضان المبارک کے پہلے روز اشیائے خوردونوش کی قیمتیں سامنے آگئیں۔
تفصیلات کے مطابق رمضان المبارک کے پہلے روزے میں ہی سبزیاں، پھل اور گوشت مہنگے داموں فروخت ہو رہا ہے، مہنگائی اور گراں فروشی سے شہری پریشان ہوگئے۔
سبزیوں میں اگر آلو کی بات کی جائے تو آلو اس وقت 80 سے 100 روپے فی کلو، پیاز 120 روپے، ٹماٹر 100 روپے، دیسی لہسن 800 روپے اور ادرک 600 روپے کلو فروخت ہو رہا ہے۔ شملہ مرچ اور بھنڈی 300 روپے، میتھی 100 روپے اور کریلے 300 روپے فی کلو فروخت ہو رہے ہیں۔
دوسری جانب، پھلوں میں سیب 400 روپے کلو، کیلا 300 روپے درجن اور کھجور ایک ہزار روپے کلو تک پہنچ گئی۔ خربوزہ 250 سے 300 روپے فروخت ہو رہا ہے۔
مرغی کا گوشت 625 روپے کلو فروخت ہو رہا ہے جبکہ بکرے کا گوشت 2500 اور گائے کا گوشت 1200 روپے فی کلو فروخت ہونے لگا ہے۔