اسلام آباد (آئی آر کے نیوز): وزیراعظم شہباز شریف اور چیئرمین پیپلز پارٹی بلاول بھٹو کل دارالحکومت اسلام آباد میں اہم ملاقات کریں گے۔
میڈیا رپورٹس کے مطابق وزیراعظم سے ملاقات کے لیے کل بلاول بھٹو آسلام آباد پہنچیں گے۔ کل وزیراعظم ہاؤس میں اعلیٰ سطح حکومتی اتحادی اجلاس بھی ہوگا جس میں حکومتی اور اتحادی جماعتوں کے سربراہان شریک ہوں گے۔
بتایا گیا ہے کہ بلاول بھٹو حکومت سے معاہدوں پر پارٹی تحفظات وزیراعظم کے سامنے رکھیں گے جبکہ دوسری جانب پنجاب میں ترقیاتی فنڈز کی عدم فراہمی سمیت اہم معاملات بھی زیر بحث آئیں گے۔
مزید برآں، اعلیٰ سطح حکومتی اجلاس اجلاس میں حکومت کے انتظامی معاملات زیر بحث آئیں گے۔