بھارت: میڈیا رپورٹس کے مطابق بولی وڈ کی مقبول جوڑی کیارا اڈوانی اور سدھارتھ ملہوترا کے ہاں جلد پہلے بچے کی پیدائش متوقع ہے۔
دونوں اداکاروں نے اس خبر کا اعلان اپنی
انسٹاگرام پوسٹ کے ذریعے کیا۔ اس پوسٹ میں دونوں اداکاروں نے اپنے ہاتھوں میں بچوں
کے موزوں کی تصویر تھامی ہوئی تھی۔ جس کے ذریعے انہوں نےاپنے جلد والدین بننے کا
اعلان کیا۔
کیارا اڈوانی اور سدھارتھ ملہوترا کی جانب سے
اپنے ہاں پہلے بچے کی متوقع پیدائش کی پوسٹ کیے جانے پر شوبز شخصیات سمیت مداحوں
نے انہیں مبارک باد پیش کی۔
تاہم دونوں نے یہ واضح نہیں کیا کہ ان کے ہاں
پہلے بچے کی پیدائش کب تک متوقع ہے۔ بھارتی میڈیا نے دعویٰ کیا ہے کہ اداکارہ کے ہاں رواں برس کے وسط تک بچے کی
پیدائش متوقع ہے۔
یاد رہے کہ کیارا اڈوانی اور سدھارتھ ملہوترا
نے چند سال تعلقات میں رہنے کے بعد فروری 2023 میں شادی کی تھی۔
دونوں کے درمیان 2020 سے تعلقات کی چہ
مگوئیاں تھیں اور دونوں کو متعدد بار ایک ساتھ بھی دیکھا جاتا رہا تھا۔
اب شادی کے دو سال بعد ان کے ہاں پہلے بچے کی
پیدائش متوقع ہے، کیارا اڈوانی کو گزشتہ کچھ عرصے سے فلمی پردے پر نہیں دیکھا گیا۔