مقبوضہ بیت المقدس میں قابض اسرائیلی فوج نے رمضان المبارک کا بھی
لحاظ نہ کیا۔ فجر کی نماز کے لیے جمع فلسطینی نمازیوں پر مسجد اقصیٰ میں دھاوا بول
دیا۔
الجزیرہ کی رپورٹ کے مطابق اسرائیلی فورسز نے مقبوضہ بیت المقدس میں
واقع اسلام کے تیسرے مقدس ترین مقام، مسجد اقصیٰ کے صحن میں گھس کر نمازیوں کو
ہراساں کیا۔
قابض اسرائیلی حکام نے مغربی کنارے سے آنے والے فلسطینیوں پر مزید سخت
پابندیاں عائد کر دی ہیں، تاکہ وہ رمضان میں مسجد اقصیٰ میں عبادت نہ کر سکیں۔
فلسطینی عوام کی عبادات میں رکاوٹ ڈالنے اور ان کے مقدس مقامات کی بے
حرمتی پر عالمی سطح پر مذمت کی جا رہی ہے۔