بلوچستان میں جعفر ایکسپریس پر ہونے والے دہشت گرد حملے کے بعد بھارتی میڈیا اور مخصوص سوشل میڈیا اکاؤنٹس بے بنیاد پروپیگنڈا پھیلانے میں مصروف ہو گئے۔ بغیر کسی تصدیق کے من گھڑت خبروں اور جعلی ویڈیوز کا سہارا لے کر پروپیگنڈا کیا جا رہا ہے۔
میڈیا رپورٹس کے مطابق جعفر ایکسپریس حملے کےبعد
کالعدم تنظیم بی ایل اے کا بیانیہ سوشل میڈیا پر پھیلانے والے بھارتی سوشل میڈیا
ایکٹویسٹ اور اکاؤنٹس کی جانب سے حملے کے متعلق جھوٹا پراپیگنڈہ کیا جارہا ہے۔
بھارتی میڈیا نے حسبِ روایت جعلی اور پرانی
ویڈیوز کے ذریعے پاکستان کے خلاف پراپیگنڈا مہم تیز کر دی۔ دفاعی ماہرین کے مطابق، بھارتی میڈیا نے جعفر
ایکسپریس حملے کی خبر کالعدم بی ایل اے کے سوشل میڈیا اکاؤنٹ سے براہِ راست لی اور
اسے بغیر کسی تصدیق کے عالمی سطح پرپھیلا دیا۔
اس کے ساتھ ساتھ بھارتی اکاؤنٹس نے آرٹیفیشل
انٹیلیجنس کا استعمال کرکے جعلی وڈیوز بھی بنائیں، اور انکو حقیقت کے طور پر پیش
کیا۔
دفاعی ماہرین کا کہنا ہے کہ پاکستان دشمن
عناصر غیر ملکی طاقتوں کے اشاروں پر ملک کے خلاف جھوٹے پروپیگنڈے کو ہوا دے رہے
ہیں۔ بھارت کے کچھ میڈیا ہاؤسز اور مخصوص سوشل میڈیا اکاؤنٹس کی پاکستان مخالف
سرگرمیاں ایک منظم سازش کا حصہ نظر آتی ہیں۔