قومی کرکٹ ٹیم کے مایہ ناز فاسٹ بولر حارث رؤف کے ہاں بیٹے کی پیدائش
ہوئی ہے۔
تفصیلات کے مطابق پاکستانی کرکٹر حارث رؤف کے ہاں بیٹے کی ولادت ہوئی
ہے جس کے بعد ساتھی کرکٹرز نے انہیں سوشل میڈیا پر مبارکباد دی۔
واضح رہے کہ قومی ٹیم کے فاسٹ بولر شاہین شاہ آفریدی نے سماجی رابطے
کی سائٹ ایکس پر ٹوئٹ کرتے ہوئے حارث رؤف کو مبارکباد دی اور ان کے لیے نیک
خواہشات کا اظہار کیا۔
قومی آل راؤنڈر شاداب خان نے بھی انسٹاگرام اسٹوری میں حارث رؤف کو
بیٹے کی پیدائش پر مبارکباد دی۔
کرکٹرز کی جانب سے حارث رؤف کو مبارکباد کے پیغامات بھیجے جارہے ہیں،
تاہم حارث رؤف نے تاحال اس حوالے سے کوئی بیان نہیں دیا۔
واضح رہے حارث رؤف کا نکاح 24 دسمبر 2022 کو اپنی ہم جماعت مزنا مسعود
ملک کے ساتھ ہوا تھا، جبکہ رخصتی اور ولیمہ جولائی 2023 میں ہوا۔