اسلام آباد (آئی آر کے نیوز): رکن قومی اسمبلی شیر افضل مروت کا کہنا ہے کہ پی ٹی آئی، حکومت کے خلاف تحریک چلانے کے قابل نہیں۔
تفصیلات کے مطابق نجی ٹی وی چینل جیو نیوز کے پروگرام "آج شاہزیب خانزادہ کے ساتھ" بات چیت کرتے ہوئے شیر افضل مروت نے کہا کہ عمران خان کو چھڑانے کی تحریک پس پشت جا چکی ہے، پارٹی میں کوئی فیصلہ درست نہیں ہورہا اور چھیناجھپٹی کا ماحول ہے۔
انہوں نے کہا کہ بانی سےفیصلے کروانے والوں کی کتاب سےعلی امین کا ورق کٹ چکا جب کہ علی امین گنڈاپور 8 ، 10 روز سے اسلام آباد میں ہیں مگر انہیں بانی سے ملنے نہیں دیا جا رہا ، شک ہےکہ رکاوٹ ڈالنے والے اپنے ہی لوگ ہیں۔