اسلام آباد (آئی آر کے نیوز): پاکستانی سفارتکار کو امریکہ میں داخلے سے روکنے کے معاملے پر وزارت خارجہ کی وضاحت سامنے آگئی ہے۔
ترجمان دفترخارجہ شفقت علی خان کا کہنا ہے کہ پاکستانی سفارتکار نجی دورے پر امریکہ گئے تھے، وزارت خارجہ اس معاملے کی تحقیقات کر رہی ہے۔
یہاں یہ بھی خیال رہے کہ گزشتہ روز پاکستان کے ترکمانستان میں تعینات سفیر کو امریکہ میں داخلے سے روک دیا گیا تھا۔
کے کے احسن وگن کو امریکی شہر لاس اینجلس سے واپس ڈیپورٹ کیا گیا، کے کے احسن وگن کے پاس امریکی ویزا اور تمام قانونی سفری دستاویزات موجود تھیں۔
میڈیا رپورٹس میں بتایا گیا کہ ترکمانستان میں پاکستانی سفیر کےکے احسن وگن چھٹیوں پر لاس اینجلس جارہے تھے۔ امریکی امیگریشن حکام نے احسن وگن کو لاس اینجلس ایئرپورٹ پر روکا تھا۔
ذرائع کا دعویٰ ہے کہ امریکی سسٹم میں پاکستانی سفیر پر متنازع ویزا ریفرنسز کا اعتراض موجود تھا۔
وزیر خارجہ اسحاق ڈار اور سیکرٹری خارجہ آمنہ بلوچ کو واقعے کے بارے میں مطلع کردیا گیا۔
وزارت خارجہ نے لاس اینجلس میں پاکستانی قونصلیٹ کو معاملے کی جانچ پڑتال کی ہدایت کردی۔