بالی ووڈ کے مسٹر پرفیکشنسٹ "عامر خان " 60 سال کے ہوگئے ہیں اور اپنی سالگرہ پر اداکار نے ایک ایسا اعلان کردیا ہےجس سے پوری انڈسٹری میں کھلبلی مچ گئی ہے۔
بھارتی میڈیا نے رپورٹ کیا ہےکہ عامر خان نے اپنی سالگرہ کے جشن سے
خطاب میں کچھ ایسا عندیہ دیا جس سے لگتا ہے کہ اداکار تیسری شادی کرنے جا رہے ہیں۔
عامر خان نے اپنی سالگرہ کے موقع پر ایک دوست سے میڈیا کو متعارف
کرواتے ہوئے بتایا کہ " گوری اور میں 25 سال سے دوست ہیں، جب ہم ملے تھے تو
تب سنگل تھے، لیکن اب تو ہمارے بچے بھی جوان ہوگئے ہیں۔"
اداکار نے مزید کہا کہ اب ہم پارٹنرز ہیں اور ڈیڑھ سال سے ایک ساتھ
ہیں۔ ہم ایک دوسرے کے لیے بہت سنجیدہ اور پرعزم ہیں۔
مسٹر پرفیکشنسٹ نے یہ بھی بتایا کہ میں نے اپنی پرانی دوست گوری کو
شاہ رخ اور سلمان خان سے بھی ملوایا ہے۔
اپنی دوست گوری کے بارے میں عامر خان نے مزید بتایا کہ گوری پروڈکشن
میں کام کرتی ہیں اور میں ہر روز ان کے لیے گانا گاتا ہوں۔
اس موقع پر عامر خان نے مشہور نغمے "کبھی کبھی میرے دل میں خیال
آتا ہے" کے کچھ مصرعے بھی گائے۔
عامر نے فلم لگان کے اپنے مشہور کردار بھوون کا ذکر بھی کیا اور کہا،
"بھوون کو اپنی گوری مل گئی۔"
عامر خان نے میڈیا سے گفتگو میں یہ بھی کہا کہ مجھے نہیں معلوم کہ 60
سال کی عمر میں، مجھے شادی شوبھا دیتی ہے یا نہیں۔ میرے بچے بہت خوش ہیں۔ میں بہت
خوش قسمت ہوں کہ سابقہ بیویوں کے ساتھ میرے بہت اچھے تعلقات ہیں۔
یاد رہے کہ عامر خان کی پہلی شادی فلم پروڈیوسر رینا دتہ سے ہوئی تھی،
جن سے ان کے دو بچے جنید اور ایرا خان ہیں۔ دونوں کے درمیان طلاق 2002 میں
ہوئی تھی۔
بعد ازاں عامر خان نے ڈائریکٹر کرن راؤ سے 2005 میں دوسری شادی کی تھی
لیکن 2021 میں دونوں نے علیحدگی اختیار کرلی۔ ان کا ایک بیٹا آزاد ہے۔