اسلام آباد (آئی آر کے نیوز): وزیراعظم شہباز شریف اعلیٰ وفد کے ہمراہ بدھ سے سعودی عرب کا 3 روزہ دورہ کریں گے۔
میڈیا رپورٹس کے مطابق وزیراعظم شہباز شریف بدھ کو دورہِ سعودی عرب پر روانہ ہوں گے، وزیراعظم کا دورہ تین روزہ ہے، نائب وزیراعظم و وزیرخارجہ اسحاق ڈار ہمراہ ہوں گے۔ اس کے علاوہ دیگر اہم وفاقی وزرا اور اعلی حکام بھی وزیراعظم کے وفد کا حصہ ہوں گے۔
میڈیا رپورٹس میں بتایا گیا ہے کہ سعودی ولی عہد پرنس محمد بن سلمان سے وزیراعظم کی ملاقات ہوگی، پاک سعودی معاشی و تجارتی تعلقات پربات چیت ہوگی۔
مزید برآں، مختلف شعبوں میں سعودی سرمایہ کاری پر بھی مشاورت ہوگی، غزہ کی صورت حال پر تبادلہ خیال کیا جائیگا، پاکستانی وفد سعودی عرب کی علاقائی سالمیت اور داخلی خودمختاری کی مکمل حمایت کا اعادہ کرے گا۔
جبکہ وزیراعظم شہباز شریف کے اس دورے میں تجارتی ومعاشی تعاون، سرمایہ کاری کے فروغ پرمشاورت ہوگی۔