مشہور بھارتی اداکارہ کینسر کا شکار، مداحوں سے دعا کی اپیل

ممبئی: کینسر کی شکار معروف بالی ووڈ اداکارہ حنا خان مہیںوں بعد منظر عام پر آگئیں۔ اپنے جزباتی بیان میں انہوں نے مداحوں سے دعا کی اپیل کی ہے۔

یاد رہے کہ حنا خان کینسرجیسے موذی مرض کا شکار ہیں اور اس کے خلاف زندگی اور موت کی جنگ لڑ رہی ہیں۔

میڈیا رپورٹ کے مطابق ادکارہ میں گزشتہ برس بریسٹ کینسر کی تشخیص ہوئی تھی جس کے فوری بعد اداکارہ کا علاج شروع ہوگیا، اور اپنے علاج کی وجہ سے ہی وہ اب کم ہی میڈیا پر آتی ہیں۔ حال ہی میں اداکارہ نے اپنی بیماری اور اس کے علاج سے متعلق مداحوں سے کچھ اہم معلومات شیئر کی ہیں۔

 رپورٹ میں مزید بتایا گیا ہے کہ حنا خان نے کینسر کے علاج کے سلسلے میں کیموتھراپی کروا رہی ہیں۔ اس کے علاوہ ان کی سرجری کا عمل بھی مکمل ہوچکا ہے۔ اداکارہ نے سوشل میڈیا پر جاری کردہ پیغام میں بتایا کہ" میں کیمیوتھراپی لے رہی ہوں اور اب سب کچھ ٹھیک چل رہا ہے، آپ لوگوں نے ہمت بندھائی اور حوصلہ دیا جس کا شکریہ ادا کرنا چاہتی ہوں۔

بھارتی اداکارہ سماجی رابطے کی ویب سائٹس وقتاً فوقتاً کینسر کے علاج کے دوران اپنے تجربات اور آگاہی پر مواد بھی شیئر کرتی رہی ہیں، حنا خان کی یہ گفتگو ایوارڈ شو میں ایک خاتون فوٹوگرافر نے ریکارڈ کی تھی اور اپنے انسٹاگرام اکاؤنٹ پر شیئر کی ہے۔

جس پر سوشل میڈیا صارفین نے اداکارہ حنا خان کے لیے نیک تمناؤں کا اظہار کیا اور اپنی صحت پر توجہ دینے کی اپیل کی۔