پاکستانیوں کی فیورٹ اداکارہ کی لاش گھر سے برآمد

پاکستانیوں کی ہردل عزیز مشہور ہولی وڈ امریکی اداکارہ مشیل ٹریچن کی لاش ان کے گھر سے لاش برآمد ہوئی ہے۔ جس کے بعد مختلف شوبز شخصیات نے ان کی موت پر شدید دکھ کا اظہار کیا ہے۔

خبر رساں ادارے ( اے ایف پی ) نے اپنی رپورٹ میں بتایا ہے کہ مشیل ٹریچن کے گھر سے ایمرجنسی فون کال موصول ہوئی جس کے بعد ریسکیو اہلکار ان کے گھر پہنچے جہاں پر انہوں نے اداکارہ کو مردہ حالت میں پایا۔

اس رپورٹ میں امریکی نشریاتی اداروں کا حوالہ دیتے ہوئے یہ بھی بتایا گیا کہ ہسپتال لائے جانے پر ڈاکٹرز نے اداکارہ کی موت کی تصدیق کی۔

پولیس کی ابتدائی تفتیش کے مطابق اداکارہ کے گھر سے ایسا کچھ نہیں مل سکا جس سے یہ ظاہر ہوتا کہ ان کی موتی طبعی نہیں بلکہ حادثاتی ہے، ان کے جسم پر یا گھر سے کسی بھی قسم کے نشان نہیں ملے۔

واضح  رہے کہ اے ایف پی نے امریکی نشریاتی ادارے ’اے بی سی نیوز‘ کی رپورٹ کا حوالہ دیتے ہوئے بتایا کہ مشیل ٹریچن نے کچھ عرصہ قبل ہی جگر کی پیوندکاری کروائی تھی اور وہ متعدد طبی پیچیدگیوں کا شکار بھی تھیں۔

ابتدائی تفتیش کے مطابق اداکارہ کی موت کو طبعی قرار دیا  جارہا ہے۔ ان کی موت کی خبر سامنے آنے کے بعد شوبز شخصیات اور مداحوں نے اظہار افسوس کرتے ہوئے ان کے اہل خانہ کے لیے دعائیں بھی کیں۔

یاد رہے کہ مشیل ٹریچن نے بطور چائلڈ آرٹسٹ کیریئر کا آغاز کیا تھا، انہوں نے بچپن میں ہی امریکی ٹی وی ڈراموں سمیت ہولی وڈ فلموں میں کام کرنا شروع کردیا تھا۔

مشیل ٹریچن کی موت کے بعد معروف ہولی وڈ شخصیات نے سوشل میڈیا پوسٹس شیئر کرتے ہوئے ان کی موت پر اظہار افسوس کرتے ہوئے انہیں خراج تحسین بھی پیش کیا۔