اسلام آباد (آئی آر کے نیوز): پاکستان تحریکِ انصاف (پی ٹی آئی) کی قیادت نے جیل میں سابق وزیراعظم عمران خان سے ملاقات کیلئے اسلام آباد ہائیکورٹ سے رجوع کرلیا۔
تفصیلات کے مطابق پی ٹی آئی خیبرپختونخوا کے صدر جنید اکبر، شیر علی ارباب، رؤف حسن اور امجد علی نے وکیل عائشہ خالد ایڈووکیٹ کے توسط سے اسلام آباد ہائی کورٹ میں مشترکہ درخواست دائر کی ہے۔
درخواست میں استدعا کی گئی ہے کہ عمران خان سے گزشتہ روز ملاقات نہیں کرنے دی گئی، ملاقات کی اجازت دی جائے۔
صحافیوں سے گفتگو میں جنید اکبر نے کہا بانی پی ٹی آئی وزیراعظم رہ چکے ہیں لیکن جیل مینوئل کے مطابق ان سے ملاقات نہیں کرنے دی جا رہی۔
واضح رہے کہ تحریک انصاف کے رہنماؤں کو گزشتہ روز عمران خان سے اڈیالہ جیل میں ملاقات کی اجازت نہیں دی گئی تھی۔