ڈونلڈ ٹرمپ نے بڑی جنگ بندی کا اعلان کردیا

امریکی میڈیا کی رپورٹس کے مطابق صدر ڈونلڈ ٹرمپ کا کہنا ہےکہ روس اوریوکرین میں جنگ کا جلد خاتمہ چاہتا ہوں۔ انہوں نے امید ظاہر کی کہ دونوں ممالک میں جلد جنگ بندی ہوجائے گی۔

واضح رہے کہ امریکی صدر ڈونلڈ ٹرمپ نے برطانوی وزیراعظم کیئر اسٹارمر سے ملاقات کے بعد مشترکہ پریس کانفرنس کرتے ہوئے کہا کہ  مجھے امید ہے کہ روسی صدر اپنی باتوں پر قائم رہیں گے اور یوکرین اور روس میں جنگ بندی ہوجائے گی۔ انہوں نے مزید کہا کہ جنگ بندی ہی دنیا کے مفاد میں ہے۔ ٹرمپ نے اس پریس کانفرنس میں اس خدشے کا اظہار بھی کیا کہ اگر دونوں ممالک کے بیچ جنگ بندی نہ ہوئی تو پھر کبھی نہیں ہوگی۔

ڈونلڈ ٹرمپ نے کہا کہ یوکرینی صدر آج ملاقات کیلئے آئیں گے، یوکرین کے ساتھ معدنیات کا معاہدہ روس کے خلاف کیف کی سلامتی کی ضمانت ہے، جنگ میں کئی افراد ہلاک ہو چکے ہیں، جنگ کے خاتمے کے بعد یوکرین کی بحالی پر بات ہوگی۔

امریکی صدر نے مزیدکہا کہ روس اور یوکرینی فوجیوں کوجنگ میں مرتا نہیں دیکھنا چاہتے، کنگ چارلس کی دعوت پر جلد برطانیہ کا دورہ کروں گا، امریکا اور برطانیہ کے درمیان جلد ایک عظیم تجارتی معاہدہ ہوگا۔

امریکی صدر کی گفتگو کے بعد برطانوی وزیراعظم کیئر اسٹارمر نے میڈیا سے بات کرتے ہوئے کہا کہ "روس یوکرین جنگ بندی کیلئے امریکا کے ساتھ ہیں، امریکا کی جانب سے سلامتی کی ضمانت کے بغیر یوکرین میں امن قائم نہیں ہو سکتا، امریکی صدر کی امن سے متعلق کوششیں قابل تعریف ہیں"۔