پاکستان کی مایہ ناز اداکارہ بشریٰ انصاری نے پاکستان کا نام روشن کردیا، انکے شاندار کیرئیرکے اعتراف میں برطانوی پارلیمنٹ کی جانب سے ان کو ’اسٹار آف پاکستان‘ ایوارڈ سے نوازا گیا ہے۔
میڈیا رپورٹس کے مطابق بشریٰ
انصاری نے برطانوی پارلیمنٹ کی جانب سے ایوارڈ دیے جانے کی تصویر انسٹاگرام پر
شیئر کیں جب کہ انہیں ایوارڈ سے نوازے جانے کی تقریب کی ویڈیوز بھی وائرل ہوگئیں۔
بشریٰ انصاری کو برطانوی پارلیمنٹ کی رکن یاسمین قریشی سمیت دیگر کی
جانب سے ایوارڈ سے نوازا گیا۔ سینئر
اداکارہ کو ان کی اداکاری کی خدمات کے عوض ’اسٹار آف پاکستان‘ نامی ایوارڈ دیا
گیا۔
ایوارڈ کی تقریب میں بشریٰ انصاری نے برطانوی پارلیمنٹ کے پاکستانی
نژاد ارکان سے گفتگو بھی کی اور ایوارڈ دینے پر ان کا خصوصی شکریہ ادا کیا۔
تقریب کے دوران برطانوی ارکان پارلیمنٹ نے بشریٰ انصاری کو پاکستان کا
اایک بڑا اثاثہ قرار دیا اور ان کی صلاحیتوں کو خوب سراہا۔
ایوارڈ تقریب میں صحافیوں اور سوشل میڈیا انفلوئنسرز نے بھی بڑی تعداد
میں شرکت کی۔ بشریٰ انصاری نے اس موقع پر
مداحوں کے ساتھ تصاویر اور ویڈیوز بھی بنوائیں۔
یاد رہے کہ بشریٰ انصاری سے قبل گزشتہ برس برطانوی پارلیمنٹ کی جانب
سے ماہرہ خان اور فہد مصطفیٰ کو بھی ایوارڈز سے نوازا گیا تھا۔
ماہرہ خان کو نومبر 2024 جب کہ فہد مصطفیٰ کو دسمبر 2024 میں ایوارڈز سے نوازا گیا تھا۔