مکہ: رمضان المبارک کے آغاز پر مسجد الحرام اور مسجد نبویﷺ میں خصوصی اور جامع قرآن کورس کا آغاز کیا جائے گا۔
سعودی خبررساں ایجنسی کی رپورٹ کے مطابق مسجد الحرام اور مسجد نبویﷺ
میں خصوصی کلاسز ہوں گی۔ ان کورسز کے ساتھ ہی ایک عالمی منصوبے کا بھی افتتاح
ہوگا، جو رمضان کے مقدس مہینے میں دینی سرگرمیوں کے دائرہ کار کو مزید وسعت دے گا۔
صدر امور حرمین شریفین شیخ ڈاکٹر عبدالرحمن السدیس نے کورس کے حوالے
سے گفتگو کرتے ہوئے بتایا کہ اس کورس میں شرکا کو قرآن کی درست تلاوت، تلفظ
کی بہتری اور تجوید کے اصول سکھائے جائیں گے۔ ساتھ ان کی جانب سے یہ دعویٰ بھی کیا
گیا کہ یہ کورس مستند اور ماہر اساتذہ کی نگرانی میں منعقد کیا جائے گا۔
اس پروگرام کے تحت مختلف تدریسی طریقے اپنائے جائیں گے جن میں حفظِ
قرآن اور تلاوت شامل ہیں تاکہ سیکھنے والوں کی انفرادی ضروریات کے مطابق ان کی
استعداد کو بہتر بنایا جا سکے۔