میڈیا رپورٹس کے مطابق انسٹاگرام پر حال ہی میں ایک کلپ وائرل ہوئی ہے جس نے لائن کنگ فلم میں مشہور وِلن، اسکارفیس کے لیجنڈ کو دوبارہ زندہ کر دیا ہے۔
انسٹاگرام پر مشہور وائرل ویڈیو دراصل کینیا کے سب سے مشہور شیر "اسکارفیس"
کی ہے۔ اس ویڈیو میں "اسکار فیس"
نامی اس شیر کے آخری لمحات ریکارڈ کئے گئے ہیں۔
ویڈیو کا عنوان تھا ’اصلی شیر بادشاہ‘۔ جس نے ماسائی مارا قومی ریزرو
پر برسوں حکومت کی۔ اسکارفیس ماسائی مارا نیشنل ریزرو میں حاکم، غلبے اور بقا کی
ایک علامت رہ چکا ہے۔
اسکارفیس 2007 میں پیدا ہوا تھا اور افریقہ کے سب سے زیادہ پہچانے
جانے والے اور تصویر کھینچے جانے والے شیروں میں سے ایک بن گیا تھا۔ اس کی شاندار
طاقت نے اسکو دنیا بھر میں بےپناہ مقبولیت دی۔
اس کی واضح خصوصیت اس کی دائیں آنکھ پر ایک گہرا نشان تھا جو 2012 میں
ایک علاقائی لڑائی میں حاصل ہوا تھا۔
اس زخم نے اسے لائن کنگ فلم ولین سے متاثرہ افسانوی نام دلوایا ۔ اور
یہی آخر تک اس کی پہچان بھی رہی۔