سابق آسٹریلوی کپتان رکی پونٹنگ نے پاکستانی کرکٹ ٹیم کی چیمپئنز ٹرافی میں ناقص کارکردگی اور ابتدا میں ہی ٹورنامنٹ سے باہر ہوجانے کی وجہ 2 کھلاڑیوں کو قرار دیا ہے۔
یاد رہے کہ پاکستان ٹورنامنٹ میں بطور میزبان اور دفاعی چیمپئن داخل
ہونے کے باوجود چیمپئنز ٹرافی 2025 سے باہر ہونے والی پہلی ٹیم ہے۔ اور اس چیز پر پاکستانی کرکٹ کے مداحوں نے ٹیم کو آڑے
ہاتھوں لیا ہے۔
واضح رہے کہ پاکستان نے چیمپئنز ٹرافی میں اپنا پہلا میچ کراچی میں نیوزی لینڈ کے
خلاف جب کہ دوسرا میچ دبئی میں روایتی حریف بھارت کے خلاف کھیلا اور دونوں میچز
میں شکست کھا کر اب پاکستانی ٹیم ٹورنامنٹ سے باہر ہوگئی ہے۔
ٹیم کی اس ناقص کارکردگی پر سابق آسٹریلیوٰ کپتان
بھی بول اٹھے اور سوال کیا کہ "کیا پاکستان ٹیم بابر اعظم اور محمد رضوان کی صلاحیتوں کو صحیح انداز
میں استعمال کر رہی ہے؟"
اُنہوں نے کہا کہ پاکستانی ٹیم کی حکمتِ عملی درست نہیں تھی جس کی وجہ
سے وہ اپنے سب سے قیمتی اثاثوں بابر اعظم اور محمد رضوان کو سہی طرح استعمال ہی نہیں
کرسکی۔ ان دونوں کو آگے بڑھ کر زیادہ رنز بنانے چاہیے تھے لیکن یہ دونوں ٹورنامنٹ
کے پہلے 2 میچز میں اچھی کارکردگی نہیں دکھا سکے۔
رکی پونٹنگ نے مزید کہا کہ یہ ہی پاکستان ٹیم کے سیمی فائنل میں نہ
پہنچنے کی وجہ ہو سکتی ہے۔
سابق بیٹنگ ماسٹر نے ہائی پریشر میچوں میں ڈیلیور کرنے پر ہندوستانی
اسٹار ویرات کوہلی کی بھی تعریف کی اور کہا کہ میں نے ہمیشہ کہا ہے کہ بڑے
میچ جیتنے کے لیے بڑے کھلاڑیوں کی ضرورت ہوتی ہے اور بھارت کے لیے سب سے بڑا
مقابلہ پاکستان کےخلاف میچ تھا۔
ان کا مزید کہنا تھا کہ آپ کی ساکھ اس بات پر بنتی ہے کہ آپ بین
الاقوامی اسٹیج پر سب سے بڑے مقابلوں میں کس طرح پرفارم کرتے ہیں، اس لیے یہ میرے
لیے کوئی تعجب کی بات نہیں کہ کوہلی نے ایسی کارکردگی دکھائی۔