واشنگٹن: امریکی صدر ڈونلڈ ٹرمپ نے50 لاکھ ڈالر کی سرمایہ کاری کے عوض امریکا کی شہریت دینے کی نئی پالیسی متعارف کروادی۔
امریکی میڈیا کے مطابق امریکی صدر ڈونلڈ ٹرمپ
نے غیر ملکی سرمایہ کاروں کیلئے خصوصی پیشکش دیتے ہوئے ای بی فائیو امیگرنٹ
انویسٹر ویزا پروگرام کو گولڈ کارڈ میں تبدیل کرنے کا فیصلہ کیا ہے۔ غیر ملکی
سرمایہ کار گولڈ کارڈ سے گرین کارڈ ہولڈرز جیسی مراعات حاصل کر سکیں گے۔
امریکی صدر نے امید ظاہر کی ہے کہ اس منصوبے
کے تحت 10 لاکھ کارڈ فروخت ہوں گے۔
واضح رہے کہ امریکی صدر ڈونلڈ ٹرمپ نے دو
ہفتوں میں اس سکیم کے اجراء کا عندیہ دیتے ہوئے کہا کہ ’یہ کارڈ خریدنے کے لیے
امیر افراد ہمارے ملک میں آئیں گے۔‘
ایک صحافی نے سوال کیا کہ اس سکیم کے تحت کیا
روس کے امیر افراد بھی گولڈ کارڈ حاصل کر سکیں گے؟ اس کے جواب میں صدر ٹرمپ کا
کہنا تھا کہ ’ہاں، یہ ممکن ہے۔ میں کچھ صاحب ثروت روسی افراد کو جانتا ہو جو کہ
اچھے افراد ہیں۔‘
واضح رہے کہ امریکہ میں غیرملکی سرمایہ کاروں
کے لیے ای بی- 5پروگرام کا آغاز سنہ 1990 میں ہوا تھا۔
ڈونلڈ ٹرمپ نے اس ای بی- 5پروگرام کو ’مکمل طور پر احمقانہ‘ قرار دیتے ہوئے کہا کہ ’یہ کم لاگت میں گرین کارڈ کے حصول کا ذریعہ تھا۔‘