ڈان نیوز کی رپورٹ کے مطابق سندھ کےسرکاری گوداموں سے گندم کی ایک لاکھ 70ہزار سے زائد بوریاں غائب ہونے کا انکشاف ہوا ہے، محکمہ خوراک سندھ نے 4 فوڈ سپروائزرز کو گندم کی بوریاں غائب کرنے پر شوکاز نوٹس جاری کردیے۔
رپورٹ میں یہ انکشاف کیا گیا ہے کہ سندھ کےسرکاری گوداموں سے گندم بڑی
تعداد میں گندم غائب کردی گئی ہے۔ جس پر محکمہ خوراک نے 4 فوڈ سپروائزرز کیخلاف سخت
کاروائی شروع کردی ہے۔
محکمہ خوراک نے فوڈ سپروائزرز لاڑکانہ نثار میرجت، ذوالفقار علی
نوناری، محمدشریف بھٹو اور ایاز علی مشوری کو شوکاز نوٹس جاری کرتے ہوئے وضاحت طلب
کی ہے۔
نثار میرجت پر گندم کی 1926 بوریاں، ذوالفقار نوناری پر 7041 بوریاں،
محمد شریف بھٹو پر نے ایک لاکھ 54 ہزار 813 بوریاں جبکہ ایاز علی مشوری پر 6 ہزار
402 بوریاں غائب کرنے کا الزام ہے۔
محکمہ خوراک کی جانب سے چاروں فوڈ سپروائزرز کو 14 روز میں تحریری
وضاحت کرنے کی مہلت دی گئی ہے، جواب تسلی بخش نہ ہوا تو انہیں فائنل شوکاز نوٹس دے
کر ملازمت سے برطرف کردیا جائے گا۔