لاہور( آئی آر کے نیوز ) پاکستان کرکٹ بورڈ ( پی سی بی ) کی جانب سے پی ایس ایل 10 کے شیڈیول کا اعلان کردیا گیا۔
بورڈ کی جانب سے جاری کردہ اعلامیے کے مطابق پاکستان سپر لیگ (پی ایس
ایل) کے 10ویں ایڈیشن کا آغاز 11 اپریل سے دفاعی چیمپئن اسلام آباد یونائیٹڈ اور
لاہور قلندرز کے درمیان میچ سے ہو گا۔
6 ٹیموں کے اس ٹورنامنٹ میں کل 34 میچ کھیلے جائیں گے جو 11 اپریل سے
18 مئی تک جاری رہیں گے۔ جس میں لاہور کا قذافی سٹیڈیم 13 میچوں کی میزبانی کرے گا
جن میں 2 ایلیمنیٹرز اور فائنل شامل ہیں۔
اس ایڈیشن کا آغاز ایک نمائشی میچ سے ہوگا جو 8 اپریل کو پشاور میں
کھیلا جائے گا۔ ٹیموں کا اعلان میچ سے قبل کیا جائے گا۔
پی ایس ایل 10 کیلئے راولپنڈی کرکٹ سٹیڈیم 13 مئی کو کوالیفائر ون
سمیت 11 میچوں کی میزبانی کرے گا، اسی طرح کراچی کا نیشنل بینک سٹیڈیم اور ملتان
کرکٹ سٹیڈیم 5، 5 میچوں کی میزبانی کریں گے۔
چھٹے ایڈیشن کی فاتح ٹیم ملتان سلطانز22 اپریل کو لاہور قلندرز سے
اپنا میچ کھیلے گی۔ یاد رہے کہ ملتان کرکٹ سٹیڈیم میں یہ پی ایس ایل 10 کا پہلا
میچ ہو گا۔
پی ایس ایل 2017 کی چیمپئن پشاور زلمی اپنے 5 میچ راولپنڈی کرکٹ سٹیڈیم میں کھیلے گی جبکہ چوتھے ایڈیشن کی فاتح ٹیم کوئٹہ گلیڈی ایٹرز قذافی سٹیڈیم میں 5 میچ کھیلے گی۔